Шеесет и шестгодишник загина, а неговата сопруга е во тешка состојба по сообраќајката на патот Велес- Штип
Во сообраќајката што се случи вчера вечер на магистралниот пат А3 Штип-Велес загина 66 – годишениот В.П од Свети Николе. Тој им подлегна на повредите вечерва во 21.30 часот во Општата болница во Велес каде беше хоспитализиран со уште две лица, неговата сопруга која е тешко повредена и 29 годишник од светиниколско Супурге кој е учесник во несреќата од другото возило.
Марина Андова портпарол на ЈЗУ Општа болница Велес за МИА изјави дека В.П. бил донесен во велешката болница во бесознание и критична состојба. На неговата сопруга, Б.П. 61. и е направена компјутерска томографија, констатирани се скршеници на кичма и карлица и поради тежината на повредите во тешка состојба со возило на итна помош од велешката болница во 20.30 часот е препратена на скопските клиники.